DAKONG garbo sa Cagayan de Oro ubos sa administrasyon ni Mayor Rolando “Klarex” Uy nga nasakmit niini ang 1st place Resiliency Pillar sa Highly Urbanized City Category sa bag-ohay lang gipahigayon nga Cities and Municipalities Competitiveness Index ubos sa National Competitiveness Council sa Department of Trade and Industry.

 

Sa mensahe ni Chief of Staff Sheila B. Lumbatan atol sa Management Committee meeting, iyang gipasalamatan ang tibuok burukrasya sa city hall ubos sa administrasyon ni Mayor Rolando “Klarex” Uy sa tiunay nga pagtinabangay nga maoy hinungdan nga nadawat sa syudad ang mga pasidungog.

 

“Ang atong awards and accolades nagpakita lang sa tinuoray nga pagtinabangay ug sa good governance nga gipakita sa tibuok bureaucracy sa city hall ubos sa liderato ni Mayor Klarex,” matud ni Ms. Lumbatan.

 

Gipasalamatan usab ni Ms Lumbatan ang City Disaster Risk Reduction and Management Department sa pagpangulo ni Mr. Nick Jabagat sa maayong pagdumala ug pagtubag sa bisan unsang matang sa emerhensiya ug kalamidad.

 

Kahinumdoman nga nakuha sa Cagayan de Oro ang Top 6 Most Competitive Highly Urbanized City sa tibuok nasud karong tuiga ug misaka kini gikan sa Top 7 sa milabay’ng tuig. (ACM/CIO Photos ROD Constantino)