Giaksyonan sa Task Group Demolition ubos sa administrasyon ni Mayor Rolando `Klarex’ Uy partikular na sa Movable Action Team ang hangyo sa punong barangay sa Barangay Canitoan, Calaanan kalabot sa pagkuha sa mga illegal structures sa pipila ka bahin sa ilang barangay.

 

Ang lakang ni Punong Barangay Lancelot Padla uban sa mga miyembro sa barangay council ug brgy tanod official alayon usab sa kamandoan sa Department of the Interior and Local Government (DILG).

 

Gani sa wala pa gipatuman ang clearing operation nagpahigayon og briefing ang TG Demolition nga gipangulohan ni Antonio Resma Jr., ug ang mga barangay officials aron makuha ang mga illegal structures diha sa Mahogany Calaanan.

 

Samtang ang TG Demolition Movable Action Team gipangulohan ni Reymund Seno ug mga kauban nga personahi sa Roads and Traffic Administration (RTA).

 

Kanunay gidasig ni Resma ang mga punong barangay nga dili magpanuko pagduol sa TG Demolition kalabot sa road clearing sa ilang barangay. (ALR/CIO/Photos from TG Demolition)