PERSONAL nga nakigtabo kagahapaon, Septyembre 4, 2024 si Mr. Donald James Gawe, ang executive director sa Philippine National Volunteer Service Coordinating Agency sa mga tinugyanan sa Community Affairs Office – Volunteerism and Active Citizenship, uban pang mga buhatan sa city hall, pribadong sektor ug civic organizations aron paghisgot sa mga kalihokan alayon sa National Volunteer Month karong bulan sa Disyembre.

 

Lakip sa nahisgutan ang unang higayon nga ang dakbayan sa Cagayan de Oro mahimong ‘host city’ sa National Volunteer Month kick-off ceremony.

 

Gihingusgan ni Dir. Gawe ang mahinungdanong papel ilabina sa kagamhanang lokal sa pagsukip ug pag-agak sa prinisipyo sa bolunterismo isip istratehiya sa kalamboan.

 

Pipila sa mga nakahan-ay nga kalihokan mao ang fun-run, mga trainings kabahin sa ‘volunteerism’, blood-letting activity, coastal clean-up ug tree-planting.

 

Dumdoman nga niadtong 1999 gideklara ang matag bulan sa Disyembre isip ‘National Volunteer Month’ agi’g paghatag dungog ug pasalamat sa mga volunteers, ug mga volunteerism efforts sa matag indibidwal ug organisasyon alang sa kaayuhan sa kinabag-an. (AGP/Photo by Kim Zaldivar/CIO)