MAINITONG gidawat sa Barangay Macabalan pinangulohan ni Kapitan Engr. Saniel Raypon, kauban ang barangay council, mga kawani ug katawhan sa maong barangay, ang talagsaong higayon nga pagduyog ni City Mayor Rolando ‘Klarex’ Uy sa ilang sinemanang programa sa pagpakayab sa nasudnong bandila, Septyembre 23, 2024.

 

Mahinungdanon alang ni Mayor Klarex ang pagahin og panahon ug personal nga masud-ong ang kahimtang sa mga kabarangayan isip nag-unang tigtubag sa panginahanglanon sa katawhan.

 

Mokabat usab sa 500 ka mga food packs ang gi-andam sa syudad pinaagi sa City Social Welfare and Development Department pinangulohan ni Ms Anecia Tongson sa mga benipisyaryo sa barangay Macabalan. (AGP/Photo by Kim Zaldivar/CIO)