Mapasalamaton si Punong Barangay Andrew E. Melliza sa Brgy Agusan sa talagsaong pagbisita ni City Mayor Hon. Rolando "Klarex" Uy atol sa ilang sinemanang flag raising ceremony adlaw’ng Lunes, Sept. 30, ning tuig.

 

Ang Barangay Agusan magsaulog sa "Agusan Fiesta - One Week Celebration" diin adunay mga kalihokan sama sa Battle of the Bands, Senior's Night, Civic Military Parade ug daghan pa alayon sa kapistahan Domingo, Oktubre 6.

 

Sa mensahe ni Mayor Klarex, iyang gisiguro ang iyang suporta sa tanang kalihokan sa barangay nga gikalipay ni Kapitan Melliza ug sa tibuok konseho.

 

Samtang dul-an 500 ka food packs ang gipang-apod-apod sa mga katawhan sa Barangay Agusan isip gasa ug pahalipay ni Mayor Klarex alang sa umaabot nilang selebrasyon. (MDS/ Photos by Roel Felicitas/CIO)