SA tinguha nga mapalambo ang local fish production ug suportahan ang livelihood sa mga fish farmers ning syudad nga nakaangkla usab sa RISE Agenda program ni Mayor Rolando `Klarex’ Uy, nagpahigayon og site visit ang mga kadagkoan sa Agricultural Productivity Operations Office (APOO) alang sa small-scale Tilapia hatchery expansion sa Barangay Tuburan bag-ohay lang.

 

Gibutyag ni APOO Dep’t. Manager Engr. Paterno Gonzales nga ang hatchery adunay 1,000 square meters lakip na ang four earthen fish ponds nga gitumbok alang sa breeding, nursery, ug grow-out phases.

 

Mo-produce kini og 5,000 ug 10,000 tilapia fingerlings matag bulan, ug kini ipang-apod-apod ngadto sa mga fish farmers ning syudad nga maglig-on sa aquaculture sector, dugang ni Engr. Gonzales.

 

Sa pagkakaron, ang hatchery maoy pinuy-anan sa 69 ka tilapia breeder nga nagsiguro sa makanunayon nga supply sa fingerlings aron matubag ang nagkadako nga panginahanglan sa pag-uma sa tilapia. (ALR/CIO/Photos from APOO)