KAPIN 300 ka mga ‘deaf’ kauban ang ilang mga ginikanan, mga miyembro sa Deaf Association of Misamis Oriental (DAMOR) miduyog sa pagsaulog sa International Day of Sign Languages, Oktobre 1, diha sa City Tourism Hall, ning siyudad.

 

Atol sa kalihokan, mihatag sa ilang tagsatagsa ka mensahe sila si Persons with Disabilities Affairs Office (PDAO) Head Maria Liza Corpuz, City Social Welfare and Development Department (CSWD) Officer Annie Tongson, Committee on Social Services Chairperson City Councilor Girlie Balaba kinsa mirepresentar ni Mayor Klarex Uy samtang mihatag sa usa ka pakigpulong bahin sa mga katungod sa sign language si Joann Manalac, usa ka personahe sa Philippine Drug Enforcement Agency X. Gipahigayun usab ang usa ka dance contest.

 

Ang kalihokan insiyatiba sa DAMOR,Inc. Department of Heath X, Technical Education And Skills Development Authority (TESDA) X, Department of Social Welfare and Development (DSWD) X, Department of Science and Technology (DOST) X, Commission on Human Rights X ug LGU-CDO pinaagi sa CSWD ug PDAO kansang tema mao ang pag-hatag og prayoridad sa katungod sa mga adunay diperensya sa pandungog ning kasaulogan sa International Day of Sign Languages. (NLB/CIO/photos by Roel Felicitas/CIO)