GIKALIPAY ni Barangay Canitoan Kapitan Lancelot Allan Borja-Padla human personal nga miduyog si City Mayor Rolando ‘Klarex’ Uy sa mga kawani sa barangay ug sa katawhan sa pagpahigayon sa sinemanang pagpakayab sa nasudnong bandila, Oktubre 14, 2024.

 

“Matag Lunes moadto ko sa mga nagkalain-laing kabarangayan kay akong ibalik ang akong pagpanglagad sa katawhan nga maoy nag-umol kanako, maoy nagpahigmata kanako sa matinud-anon nga pagsersbiyo’g pagtabang, pagsabot sa mga katawhan nga nagkinahanglan sa ilang panabang”, tipik sa mensahe ni Mayor Klarex.

 

Gi-aghat usab ni Mayor Klarex ang katawhan sa Canitoan ilabina sa mga dugay nang nagpuyo nga wala pa makasal nga pahimuslan ang Kasalang Bayan sa ikaduhang hugna sa Klarex nga Serbisyo sa Baryo sa Canitoan. (AGP/Photos by Jomar Figuracion/CIO)