MALAMPUSONG gipahigayun ang BONTULA/SAYUDA (BIGULA) kon kasaulogan sa mga Indigenous Peoples sector sa Indigenous Peoples Month, Oktubre 17, nga gipahigayon sa Gloryville Farm, Lumbia, ning siyudad.

 

Atol sa kalihokan, gihandum ang cultural heritage sa Higaonon tribe pinaagi sa pagpahigayun sa sagrado nga mga ritwal ug tradisyon, pagpasundayag sa mga talento, lakip pagpamalandong sa ilang collective history nga gi-agi sa mga pagpadayag sa mga mensahe gikan sa nagkadaiyang IP leaders ug partner agencies.

 

Gipahigayun usab ang ang usa ka consultation tali sa mga IP professionals kon gitawag og ‘Lambaga for a cause.’

 

Ang kalihokan gisalmotan sa mga indigenous cultural communities nga gilangkoban sa IP leaders, City Tribal Councils, kababayin-an, kabatan-onan gikan sa nagkadaiyang barangay uban sa National Commission on Indigenous Peoples, IPs section sa City Social Welfare and Development Department, ug ubang local and national government agencies ug non-government organizations.

 

Nasayran nga ang bulan sa Oktubre gisaulog isip Indigenous Peoples Month, uban sa pagsaulog sa ika-27 nga annibersaryo sa Indigenous Peoples Rights Act (IPRA) of 1997 ning tuig kansang tumong ang paghinumdum sa resilience ug strength sa Indigenous peoples, lakip pag-ila sa ilang mga katungod. (NLB/CIO/photos by Jomar Figuracion/CIO)