MENSAHE sa panaghiusa sa pagtuo, kultura ug panaghigalaay ang giluwatan ni Ms. Sheila B. Lumbatan, Higalaay Festival 2024 co-chairperson ug City Councilor Jay Roa Pascual atol sa gipahigayon nga ‘Salamat, Higala’ thanksgiving event bag-ohay lang alang sa malampusong Higalaay festival 2024.

 

Ang maong kalihokan agi’g pasidungog sa mahinungdanong kontribusyon sa tanang mga media, vloggers, bloggers, partner organizations/companies, event organizers/coordinators ug uban pang sektor sa malampuson ug sadya nga month-long celebration sa Higalaay Festival niadtong bulan sa Agosto.

 

Gipadangat usab ni Mayor Rolando Klarex Uy ang iyang kinasing-kasing nga pasalamat sa tanan uban sa paninguha nga mas mabungahon ug sadya ang tinuig nga kasaulogan sa umaabot pang katuigan. (AGP/Photos by Kim Zaldivar/CIO)