GIPADAYAG ni City Mayor Rolando ‘Klarex’ Uy nga dili niya makab-ot ang gitinguha nga kalamboan alang sa dakbayan kung wala ang lig-on nga suporta sa mga kabarangayan.

 

Kini ang giluwatan nga mensahe sa mayor atol sa pagsalmot niini sa sinemanang pagpakayab sa nasudnong bandila kauban ang mga kawani ug katawhan sa Barangay Bonbon sa pagpanguna ni Kapitan Lelit Baang Molina, Oktubre 21, 2024.

 

Nagpasalamat usab si Mayor Klarex sa tanang mga barangay tanod, barangay health workers, barangay nutrition scholars, Early Childhood Care and Development teachers ug uban pang mga kawani ug barangay volunteers sa makanunayong pagserbisyo sa barangay.

 

Atol sa maong programa gitunol usab sa tinugyanan sa City Social Welfare and Development Office ngadto sa barangay ang mokabat 500 ka mga food packs alang sa mga target nga benipisyaryo sa Brgy. Bonbon. (AGP/Photos by Jomar Figuracion/CIO)