Dako ang kumpiyansa ug positibo ang Roads and Traffic Administration (RTA) sa pagpangulo ni Engr. Nonito Oclarit nga adunay alibyo sa traffic congestion ang gipatuman nga `Burak System’ sa Masterson Avenue sugod karong adlawa Oktubre 22, 2024.

 

Sa traffic advisory nga gipagawas sa RTA ubos sa dry-run basis, nga matag usa ka minuto magdungan og kanaog ang mga sakyanan agi sa duha ka lane diha sa Masterson Avenue nga magsumikad duol sa Pryce Plaza road padulong sa Carmen overpass gikan sa alas 6:00 AM hangtod alas 8:00 AM, Lunes hangtod Biyernes.

 

Ug mobalik sa normal traffic flow human sa matag usa ka minuto nga one-way `Burak System’ aron ang mga sakyanan nga padulong sa Uptown area mao na usab ang mosaka.

 

Alayon niini, gihangyo sa RTA ang pagsabot ug kooperasyon sa publiko nunot sa bag-ong kausaban sa katuyoan nga mahapsay ang dagan sa trapiko ning syudad. (ALR/Photos by CDO.dev)