PADAYONG nakig-ambit ang Department of Science and Technology (DOST 10) ug City Health Office alang sa malangkubong pagtuon o medical research sa gipahigayong 7th Regional Health Research Conference kauban ang host school niini nga Xavier University sugod adlaw’ng Martes hangtud Huwebes, Oktubre 22-24 ning tuig.

 

Tumong sa maong kalihukan nga mapalambo ang kapasidad sa mga member-institutions diha sa paghimo ug paghatag og suporta alang sa mga aprobadong proposal sa pagduki-duki sa panlawas.

 

Ang tema sa 7th RHRC mao ang "Sustainable Health Solutions for a Greener Future: Bridging Health and Environmental Well-Being".

 

Lakip sa kalihukan ang pagpahigayon og plenary sessions nga gidumala usab sa Capitol University, Oral Research Presentation alang sa mga professionals ug Research Poster sa student category nga gitambongan sa nagkalain-laing unibersidad sa Northern Mindanao. (MDS/CIO Photos by Jomar Figuracion)