Ipatuman sa Roads and Traffic Administration (RTA) ang bagtraffic scheme sa Bulua Public Cemetery ug sa Eternal Garden (kanhi Greenhills Memorial Park) alayon sa paghandum sa Adlaw sa mga Patay ug Santos karong Nobyembre 1 ug 2.

 

Basi sa Executive Order No.434-2024 A ni Mayor Rolando `Klarex’ Uy, ipatuman ang One-way Traffic alang sa tanang matang sa sakyanan nga moagi sa Macapagal Drive, gikan sa Bulua National Highway kutob sa Golden Haven entrance ug mogawas sa Canitoan Road o Iponan Road.

 

No Right Turn sa tanang matang sa sakyanan nga mogawas gikan sa matag secondary roads sumpay sa portion sa Macapagal Drive nga gi-declared isip one-way traffic.

 

No Entry usab alang sa mga PUJs, Motorela, Trisikad ug tricab nga nagbiyahe gikan sa ubang mga ruta sa syudad subay sa Macapagal Drive gikan sa National Highway paingon sa Bulua Public Cemetery, ug Eternal Garden, gawas lang sa mga PUJs nga adunay aprobadong prangkisa nga nagbiyahe sa Scions Subd., Mindanao Homes, Soldiers Hill, ug Canitoan-Pagatpat area.

 

One-Side Parking para sa mga light-type vehicles nga nagbiyahe gikan sa Macapagal Drive, wala nga kilid, nag-atubang sa South gikan sa National Highway hangtod sa Highway ug sa entrance area sa Eternal Garden ug sa gitudlo sa RTA.

 

Alternative Exit para sa tanang mga sakyanan nga mosulod sa Eternal Garden tugutan nga mogawas sa likod nga bahin sa sementeryo padulong sa bakanteng luna nga kasikbit sa kanhi ABS-CBN station paingon sa Macapagal Drive ug ang tanang Northbound trucks nga moagi sa Macapagal Drive ibalhin agi sa Barangay Iponan paingon sa national highway. (CIO)