Gihatagan og dakong pagtagad ug importansya sa syudad sa administrasyon ni Mayor Rolando `Klarex’ Uy ang mga local farmers atol sa kasaulogan sa National Livestock and Poultry Month, Oktubre 31, 2024.

 

Ang “Livestock and Poultry Farmer’s Day” gipangunahan sa City Veterinary Office (CVO) nga gitambongan sa mga local farmers gikan sa Barangays 36, Balulang, Besigan, Patag, Puntod ug Pagalungan.

 

Si Acting City Veterinarian Dr. Helen Ann Tacandong namahayag nga midawat usab sa ilang certificate of completion ang mga local farmers human sila mitapos sa ilang training sa livestock and poultry production and management practices.

 

Sa iyang mensahi gipadayag ni Dr. Tacandong ang hugot nga suporta sa City Veterinary Office ngadto sa mga mag-uuma aron mapausbaw pa ang abot ug bunga sa agrikultura.

 

Ang maong kalihokan gipahinungod usab sa pag-ila ug paghatag og gahum sa mga lokal nga mag-uuma ilabina na niadtong nakatapos sa specialized training pinaagi sa nagkadaiyang Farners’ Field Schools sa dakbayan.

 

Lakip sa mitambong sa maong kalihokan si City Councilor Jay Roa Pascual, kadagkuan sa Department of Agriculture (DA-10), APOO, Punong Barangay Mario Bolanio Sr, sa Barangay Macasandig ilabina ang B-Meg, UNAHCO, ug PILMICO nga kanunay nagsuporta sa mga kalihokan sa City Vet. (ALR/CIO/Photos by Reynan Baylin/CIO)