MIDUYOG si Mayor Rolando “Klarex” Uy sa pagpakayab sa nasudnong bandila sa Brgy Carmen adlaw’ng Lunes, Nobyembre 4 isip kabahin sa matag semanang pagpakayab sa nagkadaiyang barangay ning syudad.

 

Espesyal ang maong programa alang kang Mayor Klarex sanglit adlaw’ng natawhan usab sa iyang pinanggang kapikas nga si Brgy Kagawad Lorna Uy.

 

Ang maong kasaulogan gisaksihan sa tanang kawani sa Brgy Carmen diin mihalad usab og harmonic trumpet serenade si kanhi Kongresista Maxie Rodriguez kauban ang One Kagay-an Alliance.

 

Tumong sa pagtambong ni Mayor Klarex nga makita ug masinati ang kahimtang sa matag barangay ug ang pakigtambayayong sa city hall kanila.

 

Samtang gikalipay usab sa mga taxi drivers nga nahatagan og P1,000 isip pahalipay sa pamilya ni Mayor Klarex sa pagsaulog sa adlaw’ng natawhan ni Kagawad Lorna Uy. (MS/CIO Photos by ROEL FELICITAS)