MIPAILAWOM og consultative ug workshop meeting ang mga mag-uuma gikan sa nagkadaiyang barangay ning syudad uban sa mga Barangay Biosecurity Officers (BBO) nga gipasiugdahan sa Agricultural Productivity Operations Office (APOO) uban sa City Veterinary Office (CVO).

 

Si Acting City Veterinarian Dr. Helen Ann Tacandong namahayag nga ang kalihokan kabahin sa City Led-Agricultural Development Plan (CLADP) diin ilang gihisgutan ang mga pamaagi ug kalambuan sa livestock management.

 

Uban sa makahuluganon nga mga diskusyon ug hands-on nga kolaborasyon, magpadayon ang APOO sa paghatag og gahum sa among lokal nga mga mag-uuma, ug pagpausbaw sa produktibo sa agrikultura. (ALR/CIO/Photos from CVO)