SA tinguha nga mapanalipdan ang kabataan batok Online Sexual Abuse or Exploitation (OSAEC) ug Child Sexual Abuse or Exploitation Materials (CSAEM), mahimo na modangop o motawag sa MAKABATA Helpline 1383 (Mahalin at Kalingain ang ating mga Bata) human kini gipaila sa Council for the Welfare of Children sa LGU-CDO adlaw’ng Martes, Nobyembre 5.

 

Lakip sa misalmot sa orientation, ang City Council for the Protection Children sa Cagayan de Oro, district officers sa City Social Welfare and Development Department ug Women and Children Protection Desk Officers police stations, nagkadaiyang buhatan sa LGU-CDO, national government agencies ug civil society organizations.

Nasayran nga ang maong helpline ma-access nationwide gikan alas 8:00 sa buntag hangtud alas 5:00 sa hapon.

 

Kini pwede matawagan kung aduna’y nakita’ng kaso sa pagpang-abuso sama sa mga ginikanan o guardian, paryente, social worker, punong barangay, magtutudlo, o ang biktima mismo.

 

Tumong niini nga direktang ma-aksyonan ang mga kabataan kinsa nahimong biktima sa pagpangabuso pinaagi sa paspas nga koordinasyon ug prevention measures. (NLB/CIO/photos by Kim Zaldivar/CIO)