GIDAPIT sa Cagayan de Oro City Museum and Heritage Studies Center ang katawhan nga bisitahon ang “Kultura ug Kasaysayan sa Balay-Hiposanan exhibits” human pormal na kining gilusad adlaw’ng Huwebes, Nobyembre 21, 2024.

 

Kini alayon usab sa kasaulogan sa Museum and Galleries Month ug Indigenous Peoples Month niadtong bulan sa Oktubre.

 

Ang nasangpit nga exhibits naglangkob sa ‘bangkasu’, usa ka ‘sacred ritual table’ sa mga Higaonon, contemporary history of Cagayan de Oro sukad sa tuig 1950 nga pagkahimugso sa syudad diin ang nagsilbing curator si Mr. Chris Gomez, ug wooden portraits sa mga myembro sa 20th City Council nga ginama ni Mr. Nicolas Aca Jr. nga bukas alang sa publiko hangyud Disyembre 31.

 

Malipayong gisaksihan ang maong launching program sa nagkadaiyang local artists, museum curators, academe, department managers sa city hall, 20th City Council sa pagpanguna ni Vice Mayor Jocelyn Bebot Rodriguez ug City Administrator Atty. Roy Hilario Raagas nga nagrepresenta usab ni Mayor Rolando ‘Klarex’ Uy. (AGP/Photos by Reynan Baylin/CIO)