MOKABAT 500 ka mga barangay information officers sa nagkadaiyang barangay sa Cagayan de Oro ug Misamis Oriental ang misalmot sa labing-una nga Barangay Information Officers Network Assembly karong adlawa, Nobyembre 21, 2024, nga gipasiugda sa Philippine Information Agency – Region 10 sa pagpanguna ni Regional Director Franklin P. Gumapon.

 

Pinaagi ni Atty. Roy Hilario Raagas gipadangat usab ni Mayor Rolando ‘Klarex’ Uy iyang mensahe sa pakighiusa sa mga BIOs kinsa adunay dakong papel sa pagtulay sa mga programa ug serbisyo sa gobyerno ngadto sa komunidad.

 

Lakip sa mahinungdanong diskusyon ang mahitungod sa papel sa mga BIOs, pagbatok sa fake news, disinformation ug misinformation ug hisgutanan sa data gathering and development communication.

 

Gi-edukar usab ang mga BIOs ni Engr. Marisia C. Naybe, provincial director sa Department of the Interior and Local Government – Misamis Oriental kabahin sa “DILG memorandum circular 2017-165: Support to the Implementation of Journalism/Reporter Training Program for the Provincial, City, Municipal and Barangay Public Information Officers (PIOs)”. (AGP/Photos by Reynan Baylin & Roel Felicitas/CIO)