Miabot sa 25 ka pamilya o' 114 ka indibidwal nga nasunogan Domingo sa hapon, Nobyembre 24 diha sa Zone 3, barangay Patag ang gitunolan gilayon og hinabang sa City Social Welfare and Development Office (CSWD), kauban ang konseho sa barangay Patag.

 

Matud ni CSWD officer Annie Tongson nga food ug non-food items ang gihatag sa kagamhanan ning syudad sa mga biktima sa sunog nga nagpasilong karon sa mga collapsible tents sa covered court sa barangay Patag.

 

Ang hinabang nga nadawat sa mga biktima naglakip na sa 10 ka kilo mga bugas, tag-10 ka lata sa beef loaf ug sardinas, lima ka lata sa corned beef, 10 ka pakete sa Energen, hygiene box, banig, habol, plato, yahong ug kaldero.

 

Samtang ang konseho sa barangay Patag mihatag og panihapon sa mga biktima sa sunog samtang gipahimutang ang community kitchen.

 

Sumala sa taho, 16 ka mga balay ang naugdaw kon totally burned sa nahitabong sunog. (CIO/contributed photos)