DUL-AN 200 ka mga Former Rebels (FRs) ang gipailawom sa deradicalization activity sa syudad ubos sa administrasyon ni Mayor Rolando `Klarex’ Uy pinaagi sa Enhanced Comprehensive Local Integration Program (E-CLIP) sa Oro Kalandang “Peace” center sa Barangay Dansolihon Huwebes, Nobyembre 28, 2024.

 

Giulohan og “Pathways to Peace: A Journey to Reintegration” gipasabot ni Norhidaya H. Hadji Sarip, RSW, head secretariat sa ECLIP Committee nga ang deradicalization maoy usa sa pinakamahinungdanon nga kalihokan sa reintegration process sa mga former rebels diha sa ilang pagbalik sa gobyerno.

 

Usa kini sa mga proseso paingon sa tinuod nga kausaban ug kabag-ohan nga panghunahuna sa former rebels gikan sa pagka radical ngadto sa usa ka produktibo nga miyembo sa komunidad.

 

Ang programa gilangkuban sa modules ug series nga mga kalihokan diin mihatag sa ilang pamahayag ug mensahe ang nagkadaiyang partners ug stakeholders ilabina mga miyembro sa E-CLIP Committee. (ALR/CIO/Photos by Reynan Bayllin & Roel Felicitas/CIO)