Gidominar sa mga boksidor sa Cagayan de Oro City Amateur Boxing Team ang ilang mga kaatbang human nahimong overall champion sa bag-ohay natapos nga boxing competition sa 2024 Batang Pinoy National Championships didto sa Puerto Princesa, Palawan.

 

Ang nine-man Cagayan de Oro City Amateur Boxing Team malampusong mihakot og duha (2) ka gold, duha (2) ka silver ug tulo (3) ka bronze medal sa maong national sports competition nga gi-organisar sa Philippine Sports Commission, sumala sa taho ni Team CdeO Boxing Head Coach Elmer Pamisa.

 

Ang duha ka gold medal naangkon nila ni Lemmuel James Payla (boys 38-40kgs), ug Jobert Abragan (boys 40-42kgs), samtang ang duha ka silver medal nakuha nila ni Ivan Llaban (junior boys 46kgs), ug Mery Joy Canoy (junior girls 54kgs).

 

Ang tulo ka bronze medalists mao sila si Er Johnlee Caballero (junior boys 44-46kgs), Chris Gabriel Caranay (junior boys 48kgs), ug Steven Mancia (junior boys 54kgs).

 

Tungod niini, dako ang pasalamat ni Coach Pamisa sa hugot nga suporta sa administrasyon ni Mayor Klarex Uy pinaagi sa tabang sa City Sports Development Office ubos ni City Sports Coordinator Allby Cris ‘Beng’ Waga. (CIO/photos by Coach Pamisa)