DUL-AN 1,300 ka molupyo sa Barangay San Simon ang libre’ng naka-benepisyo sa Klarex nga Serbisyo sa Baryo (KSB), niadtong adlaw'ng Sabado, Enero 12 ning tuig.
Lakip sa kasagarang serbisyo nga madawat matag Sabado nga KSB ang libre’ng physical ug dental check-up, haircut, masahe, tuli sa mga bata, libre’ng late registration sa birth certificate, legal consultation, pagpanghatag sa libreng seedlings, pag-kapon sa mga iro ug uban pa.
Nasayrang kini na ang ika-tulong tuig sa KSB gikan kini unang gihimo sa Barangay Tignapoloan niadtong Agosto 25, 2022.
Dal-on ang sunod nga KSB sa Barangay Lapasan karong Enero 18 ug sa Patag karong Enero 25. (NLB/CIO/photos by Kim Zaldivar/CIO