PIPILA ka mga illegal vendors, road obstructions, illegal parking, illegal installation of tent sa dalan sa Barangay Patag ug sa highway ang gipapahawa, gibadlong ug gi-isyuhan og ticket sa mga sakop sa Task Group Demolition pinaagi sa Movable Action Team Martes, Enero 14, 2025.

 

Kauban sa TG Demolition ang mga opisyal sa Barangay Patag pinangulohan ni Punong Barangay Eric D. Abaday, ug mga barangay tanods ingon man sakop sa Cagayan de Oro City Police Office (Cocpo).

 

Gibutyag ni TG Demolition team leader Reymund Seno nga 12 ka unattended ticket ang gi-isyu apan walay citation ticket ang na-isyu samtang gipasidan-an usab sa grupo ang mga tag-iya ug driver sa mga sakyanan nga gipangbilin.

 

Ang TG Demolition ubos sa administrasyon ni Mayor Rolando `Klarex’ Uy nagpadayon sa pagpatuman sa road clearing operation ug pag-abag sa mga kabarangayan nga nangayo og tabang sa Team diha sa ilang pagpahigayon og clearing operation sa ilang tagsa-tagsa ka barangay. (ALR/CIO/Photos from TG Demolition)