KASAMTANGAN gibansay ang Child Development Workers ug Supervised Neighborhood Play Volunteers gikan sa nagkadaiyang barangay kalabot sa Music, Movements ug Arts, diha sa MASS-SPECC Cooperative Development Center, ning siyudad.
Ang maong training gamiton sa mga magtutudlo alang sa mga bata nga nagtungha sa Child Development Centers isip dugang kalingawan sa mga bata.
Nasayra’ng kini inisyatiba sa non-government organization na UNICEF ug gipaluyohan sa Early Childhood Care and Development (ECCD) Division sa City Social Welfare and Development (CSWD) Department kansang tinguha nga mahatagan sa dugang kahanas ang mga magtutudlo gawas sa pagtudlo sa ‘usual lessons‘ niini. (NLB/CIO/photos by Jomar Figuracion/CIO)