MIPAILAWOM sa training induction program ang pinakaunang batch sa scholars sa Relevant Industry Skills for Employment -Artificial Intelligence (RISE-AI) scholarship, karong adlawa, Enero 20, diha sa ABCCA, ning siyudad.

 

Ang RISE-AI scholarship inisyatiba sa LGU-CDO pinaagi sa City Education and Development Department - City Scholarships Office uban sa partner school niini nga ABCCA ug meldCX alang sa mga Out-of-School youth (OSYs) ug wala’y trabaho nga nag-edad og 18 anyos pataas sa tinguha nga mahatagan og kahigayonan ang interesado nga makatuon og special skills.

 

Kini usa ka fully-funded scholarship program nga nakatutok sa AI technology alang sa drone operations ug engineering diin ang matag usa mahatagan og oportunidad alang sa aspiring innovators nga gustong makatuon sa drone technology, gikan sa design and development padulong sa advanced AI applications, pinaagi sa hands-on technical training.

 

Lakip sa scholarship coverage ang training cost, national assessment fee ug monthly allowance/training support fund.

 

Ang klase magsugod sunod karong Lunes, Enero 27.

 

Kini ipahigayon kada adlaw gikan ala una sa hapon hangtud alas singko sa hapon, sulod sa tulo ka bulan. (NLB/CIO/photos by Kim Zaldivar/CIO)