Mokabat na sa 12,046 ka mga establisemento o’ patigayon dinhi sa dakbayan sa Cagayan de Oro ang narehistro na sa Business One-Stop Shop (BOSS) sa City Tourism Hall sulod sa Enero 2 hangtud Enero 20, 2025.

 

Kini ang gitaho ni Mr. Jason Adaza, hepe sa Business Permits and Licensing Division sa City Mayor’s Office human gilugwayan sa konseho ning syudad ang deadline sa business permit renewal hangtud Pebrero 28, 2025 nunot sa hangyo sa mga negosyante sa syudad nga paborableng gi-endorsar ni Mayor Klarex Uy atol sa regular session kagahapong adlawa.

 

Tungod niini, walay ipahamtang nga multa kon penalties o’ surcharges alang niadtong buot maglukat sa business permit sulod sa maong panahon. Subay sa balaod, ang deadline sa renewal gitakda niadtong milabay’ng Enero 20, 2025.

 

Sumala sa taho ni Adaza, ang Top 10 Nature of Business nga natala sa ilang buhatan mao ang mosunod:

 

1) Retailer - 2,453

2) Sari-sari - 1,808

3) Services - 1,690

4) Lessor - 880

5) Manufacturing - 248

6) General merchandise - 215

7) Wholesaler - 212

Cooked food - 185

9) Restaurant/fastfood - 181

10) Bank/financial institution - 168

 

Sa maong ihap, 11,660 ka patigayon ang nagpa-renew sa ilang business permit, samtang 386 ang mga bag-ong negosyo. Karong tuiga, gibana-banang mosobra sa 30,000 ka mga establisemento sa tibook dakbayan ang magparehistro sa ilang negosyo. (CIO)