Nahatagan na og kasulbaran ang isyu ug reklamo kalabot sa lubnganan sa mga patay nga mga mananap diha sa stock farm sa City Veterinary Office nga nahimutang sa Barangay Balubal.

 

Gipasabot ni City Veterinarian Dr. Helen Ann Tacandong nga nahinabi na niya ang complainant ug napangitaan na sa solusyon ang reklamo nga gipadangat sa buhatan sa City Veterinary Office.

 

Alayon niini, gigamitan og backhoe sa City Vet ang pagtabon sa bangag nga gilubngan sa mga astray dogs nga gipailawom sa `mercy killings’ ug gisiguro nga natarong kini pagtabon aron dili mogawas ang baho nga maoy unod sa reklamo sa residenti sa maong barangay.

 

Samtang gipadayag ni Dr. Tacandong nga dili na maglubong sa maong dapit ang City Vet hinuon nagpatabang kini sa buhatan sa Clenro ug City Engineering Office nga makapangita og laing lugar nga malubngan sa mga mananap. (ALR/CIO/Photos from City Vet)