MITUBAG gilayon ang Cagayan de Oro Water District (COWD) ug Oro Rescue 911 sa City Disaster Risk Reduction and Management Department (CDRRMD) sa hangyo sa tigdumala sa Westbound Terminal and Public Market sa barangay Bulua ning syudad.

 

Kini human nagpadala og water tanker ang COWD ug Oro Rescue 911 aron maka-supply og igong pundo sa tubig nga magamit sa mga comfort rooms sa merkado nunot sa hangyo ni Mr. Allan Fernandez, Manager sa Westbound Terminal and Public Market.

 

Gipasabot ni Mr. Fernandez nga gipangitaan na og paagi sa ilang buhatan nga masulbad sa hingpit ang problema samtang gitun-an na usab sa mga tinugyanan sa COWD kung unsay hinungdan nga nawad-an og supply sa tubig ang mga pansayan sa maong merkado.

 

Kahinumduman nga mireklamo ang pipila ka mga stallholders sa Bulua public market nga walay tubig matud pa ang pansayan sa merkado, hinungdan nga nanimaho matud pa ang maong area. (CIO/contributed photos)