DAKO ang pasalamat sa mga opisyales ug mga miyembro sa 22 ka mga asosasyon sa fisherfolk kang Mayor Rolando `Klarex’ Uy human nakadawat og livelihood assistance Biyernes, Enero 24, 2025.

 

Ang buhatan sa Agricultural Productivity Operations Office (APOO) pinangulohan ni Engr. Paterno Gonzales mao ang nagpasiugda sa maong kalihokan diin matag asosasyon midawat og cheque nga balor og P80 mil isip livelihood assistance nga gihingusgan ni Mayor Klarex nga mahatag ngadto sa grupo sa mga mangingisda.

 

Kanunay gipadayag ni Mayor Klarex nga duol sa iyang kasingkasing ang mga mag-uuma ug mangingisda kay sila man ang tinubdan nga magdala og pagkaon sa katawhan.

 

“Kung walay mag-uuma ug mangingisda wala usab kitay pagkaon,” dugang ni Mayor Klarex.

 

Samtng gipahinumdoman usab ni Engr. Gonzales ang mga asosasyon sa fisherfolk nga magamit sa insakto ang kuwarta nga ilang nadawat alang sa kaayohan sa ilang asosasyon ug pagpalambo sa ilang panginabuhian. (ALR/CIO/Photos by Reynan Baylin/CIO)