MAPASALAMATON ang kadagkoan sa JR Borja General Hospital (JRBGH) pinangulohan ni Dr Michael June Perez, acting chief of hospital, sa donasyon nga mga ekipo gikan sa Rotary Club District 3710, Rotary Club of Gwangju Moran sa South Korea ug Rotary Club of Kalayaan District 3870.

 

Lakip sa gitunol ang duha (2) ka neonatal mechanical ventilators, 1 ka incubator ug 1 ka radiant warmer alang sa mga bag-ong ihimugso nga mga bata nga ipailawom sa Neonatal Intensive Care Unit.

 

Ang maong mga ekipo opisyal nga gitunol adlaw’ng Sabado, Enero 25 mismo sa JRBGH.

 

Ang turn-over ceremony gisaksihan mismo ni Mayor Rolando “Klarex” Uy diin dako ang iyang kalipay ug pasalamat sa mga mitunol niini.

 

Matud ni Mayor Klarex dako’ng tabang ang maong ekipo ug maghatag usab og paglaum s pamilya sa bag-ong nahimugso nga nagkinahanglan og espesyal nga pag-atiman. (CIO/Photos by JAY ARANCON)