MOKABAT sa kapin kon kulang 2000 ka mga Grade-7 students sa Misamis Oriental General Comprehensive High School (MOGCHS) ang malampusong na-edukar kabahin sa Adolescent Sexuality & Reproductive Health (ASRH) nga gipasiugda sa Community Improvement Division- Adolescent Health & Development Program sukad December 2024 ngadto Enero 2025.

 

Tumong sa ASRH nga ma-edukar ang mga tinun-an sa mga isyu kalabot sa teenage pregnancy, sexually transmitted infections, HIV, AIDS, substance abuse, mental health ug violence nga sagad maka-apekto sa paglambo sa mga kabatan-onan ug makapakgang sa pagkab-ot sa ilang mga pangandoy.

 

Tinguha usab sa ASRH nga mas masabtan pa sa mga kabatan-onan ang kabililhon sa ilang pagka-ulitawo ug pagkadalaga ug sa hingpit masabtan nila ang paglikay sa dili maayong aktibidad nga makahatag risgo sa ilang kinabuhi ug pag-eskwela. (AGP/Photos by CID)