USA ka Memorandum of Agreement (MOA) alang sa Silkworm Rearing Expansion Project- Balubal ang gilagdaan ni Mayor Rolando `Klarex’ Uy uban ang kadagkoan sa Philippine Fiber Industry Development Authority (PhilFIDA) Region X, ug sa Balubal (CDORSHP 4) Sericulture Farmers Association, Inc. Lunes Enero 27, 2025.

 

Kauban sa paglagda sila si PhilFIDA Officer-in-Charge Regional Director Eugene N. Galela, ug Marlyn G. Arabis, presidenti sa Balubal (CDORSHP 4) Sericulture Farmers Association, Inc.

 

Ang buhatan sa City Housing and Urban Development Department (CHUDD) pinangulohan ni Cesar Pagapula-an ang nagpasiugda sa kalihokan.

 

Sa maong MOA, nauyonan nga ang local nga kagamhanan mosuporta pinaagi sa paghatag og yuta alang sa mulberry plantation and silkworm rearing house. Padayon nga pagsuporta ngadto sa mga Balubal Sericulture Farmers aron mapauswag ang pagamit sa natural fibers sa maong komunidad, ingon man sa pag-abag atol sa pagpahigayon og project monitoring, evaluation ug inspection.

 

Kini nga kalambuan nakaangkla sa tinguha ug tumong sa administrasyon ni Mayor Klarex nga ipaduol ang gobyerno sa katawhan ug ang katawhan duol sa gobyerno hinungdan nga hugot kini nga gisuportahan ni Mayor Klarex aron mapalambo ang maong proyekto ug matabangan ang Sericulture farmers aron ilang mabati nga anaa ang gobiyerno nga kanunay nagpaluyo kanila. (ALR/CIO/Photos by George Bacus/CIO)