Monday, 03 February 2025 08:30

BRGY 14, MAMBUAYA MANANAOG SA SEARCH FOR MOST HEALTHY BARANGAY

Written by ACM
NASAKMIT sa Brgy 14 ug Mambuaya ang Most Healthy Barangay 2024 diin nakadawat ang matag barangay og cash prizes alang sa health related projects sa ilang barangay.
 
Kini ang gianunsyo sa City Health Department (CHD) sa pagpangulo ni City Health Officer Dr Rachel Dilla atol sa sinemanang flag raising ceremony sa city hall adlaw’ng Lunes, Pebrero 3.
 
Nadawat sa Brgy Mambuaya ang P1 million cash isip 1st prize winner, Brgy Kauswagan nga nakadawat og P750 thousand cash isip 2nd prize samtang P500 thousand nga ganti usab alang sa Brgy Canitoan nga misakmit sa 3rd prize.
 
Sa numbered barangays, nakuha sa Brgy 14 ang P350 thousand cash isip 1st prize winner ug gisundan sa Brgy 24 nga aduna nakdawat usab og PP250 thousand cash samtang P150 thousand alang sa Brgy 35 isip 3rd prize.
 
Matud ni Dr Dilla, tumong sa search nga matabangan ang matag barangay sa pagpangandam alang sa Seal of Local Governance sa barangay level.
 
Nakadawat usab isip consolation prizes nga balor P50 thousand ang Brgy 9 ug 32 alang sa numbered barangays samtang nakadawat og tag P100 thousand ang Brgys Agusan, Balulang, Bayabas, Bugo, Bulua, Camaman-an, Carmen, Cugman, FS Catanico, Gusa, Lumbia, Macasandig, Nazareth ug Tagpangi. (ACM/CIO Photos by REYNAN BAYLIN)