SA tinguha nga mas mapalapad ang serbisyo sa buhatan sa City Social Welfare and Development Office, adunay bag-o nga hotline ang Oro Response and Processing Center nga maoy dangpanan sa mga kaigsuonan nga naglatagaw sa kadalanan.

 

Kini matawagan 24/7 sa numerong 09353952161 o 09099870148.

 

Sumala ni ORPC Head Cherikhawa B. Paña ang hotline mahimong tawagan kon ikaw aduna’y makita nga Children in Street Situation kon street kids, mga gapanglimos sa kadalanan, homeless individuals, Badjao mendicants o pwede usab kon ikaw aduna’y makita nga mentally challenged ug uban pa.

 

Ang ORPC mao ang buhatan nga nagpahigaayon og reach out operation sa mga nagpuyo diha sa kadalanan.

 

Tumong sa maong buhatan ang pag-luwas sa mga tawo sa peligro nga dala sa kadalanan lakip na ang pagkunhod sa trapik o posibleng krimen. (NLB/CIO/Infographic by Carl Balanza/CIO