GILIBOT sa mga kadagkoan sa Night Market Management Committee (NMMC) ang palibot sa Cogon Market ilabina sa mga lugar nga giplastaran sa mga sidewalk vendors diin subli silang gipahinumdoman sa gabayan sa syudad diha sa ilang pagpamaligya.

 

Sa pagpanguna ni Atty. Jose Edgardo Uy, uban sa ginsakpan sa Cagayan de Oro City Police Office (COCPO), Roads and Traffic Administration (RTA), City Economic Enterprises and Business Development Administration (CEEBDA), City Local Environment and Natural Resources Office (CLENRO), ug City Public Services Department (CPSD) gibisitahan sa NMMC ang mga sidewalk vendors ug gipahimangnoan kalabot sa insakto nga paghipos sa ilang basura.

 

Samtang gihatagan sila og higayon ni Mayor Rolando `Klarex’ Uy nga manginabuhi alayon sa tumong niini nga ang gobiyerno duol sa katawhan ug ang katawhan duol sa gobiyerno dili nila angay kalimtan ang ilang responsibilidad ug mga gabayan.

 

Lakip sa gipahinumdom sa team ngadto sa mga sidewalk vendors ang oras sa ilang pag-display sigun sa gitugot, ingon man ang insakto nga area kay nakita nga nilapas na ang mga sidewalk vendors sa ilang lugar diin nakabara na sila sa dagan sa trapiko. (ALR/CIO/Photos from NMMC)