DAKO ang pasalamat sa kadagkuan sa Aviation Security Explosive Ordnance Disposal and Canine Unit 10 (AVSECU 10) Laguindingan Airport sa syudad ilabina sa administrasyon ni Mayor Rolando `Klarex’ Uy human ilang nadawat ang brand new nga Patrol vehicle, Huwebes, Pebrero 6, 2025.

 

Si Mayor Klarex mismo ang mitunol sa maong sakyanan ngadto kang Police Executive Master Sergeant Ra E. Bentoso, Team Leader sa AVSECU 10 atol sa ceremonial turnover dinhi sa city hall ground uban ni Cagayan de Oro City Police Director Salvador Radam.

 

Gibutyag ni M/Sgt. Bentoso nga dako ang ilang kalipay ug pagpasalamat kang Mayor Klarex kay siya lamang ang nitubag sa ilang gihangyo nga patrol vehicle sa daghan nga buhatan nga ilang giduolan.

 

Nasayran nga niadtong Enero 2024 atol sa People’s Day miduol ang Team Leader sa AVSECU 10 kang Mayor Klarex alang sa maong katuyoan nga nahatagan gayud og katumanan. (ALR/CIO/Photos by Reynan Baylin/CIO)