GIPASIDUNGGAN sa Department of Labor and Employment Northern Mindanao ang buhatan sa Public Employment Service Office – Cagayan de Oro pinaagi ni City Mayor Rolando ‘Klarex’ Uy ug PESO Manager Kathleen Kate D. Sorilla sa mahinungdanong kalamposan niini sa pagpatuman sa employment facilitation services ubos sa ‘highly urbanized city category’.

 

Ang maong pasidungog gihimo atol sa 2024 Regional DOLE-10 and PESOMAP-10 Year-End Performance Assessment cum Recognition Night, Pebrero 5, 2025 nga gitambongan mismo ni PESO-CDO Manager Sorilla.

 

Kini pamatuod lamang sa kaikag sa kagamhanang lokal ubos sa administrasyon ni Mayor Rolando ‘Klarex’ Uy sa paghimo og epektibong mga estratehiya nga maghatag og oprtunidad alang sa pagpanarbaho ug panginabuhian sa katawhan.

 

Lakip sa pasidungog nga nadawatan sa syudad mao ang 100% performance rating alang sa pagpatuman sa core employment services sa PESO-CDO nga naglangkob sa referral and placement; Provisions of Labor Market Information; implementation of the Career Development Support Program, and Livelihood and Emergency Employment program facilitation; prompt submission of the 2024 PESO survey; submission of the monthly SPRS and LMI reports with timeliness and quality; the conduct of continuing organizational development undertakings, lakip na ang pagtambong sa Provincial PESO Federation meetings sa tuig 2024.(AGP/Photos by PESO-CDO)