TULO (3) ka mga asosasyon sa mag-uuma ning syudad ang nakadawat og irrigation pumps ubos sa administrasyon ni Mayor Rolando `Klarex’ Uy pinaagi sa Agricultural Productivity Operations Office (APOO).

 

Ang nakadawat nga mga farmers association mao ang Bulua Small Farmers Association, Bolao Iponan Small Farmers Association, ug Hinaplanon Farmers Association Barangay Baikingon.

 

Nangulo sa maong turnover si Mayor Klarex nga gi-representahan sa iyang spokesperson nga si Jan Guilmor Actub, APOO Acting Dep’t Manager Engr. Paterno Gonzales, ug mga barangay officials.

 

Gilauman nga ang mga irrigation pumps makatabang sa maong asosasyon nga makabaton og insakto nga supply sa panubig sa ilang pananom aron mosaka ug mas maayo ang produksiyon sa ilang mga tanom.

 

Ang programa sa agrikultura ang usa sa mga priority agenda ni Mayor Klarex aron matabangan ang mga mag-uuma sa ilang pananom ug ipabati nga anaa kanunay ang gobiyerno nga ilang masandigan ilabina sa tatak Klarex nga serbisyo diin ang katawhan duol sa gobiyerno ug ang gobiyerno ngadto sa katawhan. (ALR/CIO/Photos from APOO)