CITY-wide panahud ritual gipahigayun sa mga lideres gikan sa IPs cultural communities gikan sa nagkadaiyang barangay karong adlawa, Pebrero 12, diha sa Gloryville Farm, Lumbia, ning siyudad.

 

Gihalad sa ‘ritual’ ang lima ka manok ug usa ka baboy isip paghandom sa cultural heritage sa Higaonon tribe ug gisundan sa konsultasyon sa mga IP leaders ngadto sa mga lawyer gikan sa Public Attorney’s Office (PAO) ug City College Cagayan de Oro.

 

Ang ritual gisalmotan sa mga indigenous cultural communities nga gilangkoban sa IP leaders gikan sa 17 ka barangay sa siyudad diin gapuyo ang mga IPs, IPs section sa City Social Welfare and Development Department, mga personahe sa City College of Cagayan de Oro ug PAO.

 

Tumong sa maong ritual nga malamdagan ang mga panginahanglanon sa mga IP leaders sa pagsugod sa tuig 2025 dala pasalamat sa mga IP Leaders sa ilang mga kaliwatan ug mga spirit uban sa pagpangayo sa giya gikan sa ‘Magbabaya’ (Ginoo) alang sa proteksyon sa kinaiyahan sa siyudad ug kahimsog nga panglawas alang sa mga molupyo sa Cagayan de Oro sa tuig 2025. (NLB/CIO/photos by Roel Felicitas/CIO)