GIPASALAMATAN ni Mayor Klarex Uy ang matag departamento sa LGU-CDO lakip national government agencies ilabina ang DepEd, nga nagpaluyo atol sa pagtapos sa Klarex nga Serbisyo sa Baryo (KSB) kon one-stop-shop community outreach program nga ginaphigayon matag Sabado sugod sa iyang paglingkod isip mayor niadtong Agosto 2022.

Lakip sa nag-unang serbisyo sa KSB ang libreng medical ug dental check-up, late birth registration, haircut, massage, tuli; pag-secure sa business permit, bayad sa kurente, storytelling, pag-kapon sa mga iro ug iring, solo parent ID ug PWD ID registration, pagpanghatag og libreng seedlings ug uban pa.

Nasayrang mokabat sa 217,533 ang nakabenepisyo sa KSB sukad Agosto 25, 2022 nga gisugdan sa Brgy Tignapoloan ug gitapos niadtong Pebrero 8, 2025 sa Barangay Balulang.

Tumong sa KSB ang mapa-abot ug matunol sa mayor ang serbisyo sa city hall ngadto sa mga kabarangayan ilabina sa kabukiran diin kini nagpamatuod sa iyang pangagamhanan nga, “ang gobyerno duol sa katawhan, ang katawhan duol sa gobyerno.” (NLB/CIO)