MITALA na og 46,137 ka mga benepisaryo ang malipayong nakadawat sa serbisyo ni Mayor Klarex Uy pinaagi sa Peoples’ Day sugod sa paglusad niini pila ka bulan human milingkod isip mayor sa dakbayan.

 

Ang Peoples’ Day gimugna ni Mayor Klarex ug gipahigayon matag Miyerkules diin siya mismo ang personal nga moatubang ug maminaw sa nagkalain-laing panginahanglanon nga gidangop sa katawhan.

 

Kauban usab sa mayor ang tibuok buhatan sa city hall diha sa city hall quadrangle alang sa mas sayon ug paspas nga pagtubag sa mga nanginahanglan og serbisyo.

 

Ang Peoples’ Day usa sa mga nag-unang programa ni Mayor Klarex nga naghatag og direktang solusyon ug mapabati niini sa katawhan nga anaay gobyerno nga maminaw kanila.

 

Kini nga programa nagpamatuod usab sa tinguha ni Mayor Klarex nga ang gobyerno maduol sa katawhan, ug ang katawhan duol sa gobyerno." (MS/CIO)