MIKABAT na sa 15,224 ang gidaghanon sa mga city scholars ubos sa administrasyon ni Mayor Klarex Uy sukad paglingkod niini isip mayor sa dakbayan.

Gani, sa pagsugod sa pagdumala ni Mayor Klarex Uy, mas gipalapdan pa niini ang city scholarship program, ug mitanyag kini og diploma courses alang niadtong buot mokuha og 2-year courses.

Ubos lamang usab sa administrasyon ni Mayor Klarex nga nagtanyag ang syudad og medical and law scholarship, nga maoy labing unang local government unit sa tibuok nasud nga nagtanyag sa maong oportunidad sa mga buot mopadayon sa ilang pagtuon ug makaangkon og mas taas nga kahibalo.

Ang matag scholars makadawat og libreng tuition ug matriculation fees samtang modawat usab sila og binulan nga allowance ingon man holistic formation pinaagi sa mga nagkadaiyang kalihukan nga mag-umol kanila.

Ang city scholarship program usa sa priority programs ni Mayor Klarex Uy sanglit nagtuo man ang mayor nga kini mao’y nag-unang rason nga posibleng makalingkawas ang matag usa sa ka-pobrehon ug makatabang sa panginhanglanon sa pamilya. (NLB/CIO)