GILUSAD sa LGU-CDO ang nagkadaiyang kalihokan alang sa kasaulogan sa National Women's Month pinaagi sa City Gender and Development Focal Point System.

 

Kini human hiniusang gianunsyo ni Ms Jocelyn Penalosa sa GAD Focal Point System ug Dr. Fred Dellava sa City Information Ofice atol sa flagraising kagahapong adlawa sa city hall.

 

Lakip sa mga kalihokan mao ang kick-off karong Marso 7, zumba contest karong Marso 8, Blood Donation Drive karong Marso 11 diha sa JR Borja General Hospital Blood Bank, Outreach Program sa Home for Girls karong Marso 13, Medical Mission karong Marso 14 diha sa City Tourism Hall, Job Fair alang sa mga kababayen-an karong Marso 18 diha sa City Tourism Hall, Diskwento Caravan karong Marso 19-21 diha sa City Hall Mini Park, Pageant alang sa mga inahan kon 'Bongga ka Nay,' karong Marso 26 ug uban pa.

 

Tumong sa mga kalihokan nga mahatagan sa atensyon ug pagtagad ang mga kababayen-an.

 

Nasayrang ang National Women's Month gisaulog matag bulan sa Marso. (NLB/CIO/Infographic by Jhon Carl Balanza and photos by Reynan Baylin/CIO)