NAKIGHIUSA ang kagamhanang lokal sa Cagayan de Oro sa Bureau of Fire Protection Region 10 sa pagtamod sa Fire Prevention Month karong bulan sa Marso, bitbit ang tema: “Sa pag-iwas sa sunog, hindi ka nag-iisa.”

 

Gipangulohan ni BFP-10 Regional Director CSUPT Romel C. Tradio ang maong kick-off ceremony, Marso 5, 2025 diha sa community amphi-theater ning syudad.

 

Gipunting ni CSUPT Tradio ang kamahinungdanon sa pagtinabangay sa ahensya ug komunidad sa paglikay sa dagkong sunog nga maghatag risgo ug kadaot sa kinabuhi ug kabtangan.

 

Mapasalamaton usab kini sa partisipasyon sa mga rehiyonal nga ahensya sa pagduyog sa tinuig nga pagtamod sa fire prevention month ilabina sa Department of the Interior and Local Government - 10, Office of the Civil Defense - 10, Bureau of Jail Management and Penology - 10, Department of Social Welfare and Development- 10, 4th Infantry Division - Philippine Army, Police Regional Office - 10, Civil Service Commission - 10, mga volunteer groups, civil society organizations, sakop sa prensa ug tanang mga stakeholders.( AGP/Photos by Kim Zaldivar/CIO)