Isip pagsuporta sa local fishing industry, mihimo og mahinungdanong lakang ang konseho sa Barangay Bonbon pinangulohan ni Punong Barangay Lelit B. Molina pinaagi sa pagdonar og yuta ngadto sa syudad alang sa fish landing project.

 

Alayon niini, usa ka Deed of Donation nga nagbalhin sa pagpanag-iya sa usa ka estratehikong lokasyon sa yuta sa Barangay Bonbon ngadto sa kagamhanan ning syudad ubos sa administrasyon ni Mayor Rolando `Klarex’ Uy,

Ang signing ceremony gihimo bag-ohay lang sa City Local Environment and Natural Resources Office (Clenro) conference room uban nila ni PB Molina, Engr. Armen A. Cuenca, Clenro Dep’t manager, CEEBDA Dep’t. Manager Sean Molig, Atty. Marianne G. Ragas ug Atty. Czaslmagne Leonardo sa City Legal Office.

 

Kini nga hiniusang pasalig nagpakita sa giambitan nga tumong sa pagpalambo sa panginabuhian sa lokal nga mga mangingisda.

 

Nunot niini mipaabot sa iyang pasalamat si Mayor Klarex ngadto sa konseho sa Brgy. Bonbon ilabina kang PB Molina sa manggihatagon nga buhat nga adunay mahinungdanong papel sa padayon nga pagpaningkamot aron mapalig-on ang industriya sa pangisda ning syudad.

 

Kini nga kasabutan nagtimaan sa pagsugod sa ua ka maayo ug bag-ong hugna alang sa Brgy. Bonbon ug sa mas halapad nga komunidad nga nagtanyag sa mahayag ug malambuon nga kaugmaon alang sa mga mangingisda. (ALR/CIO/Photos from Clenro)