Sa tuyo nga mamenosan ang problema sa trapiko palibot sa población area ug national highway, mokabat sa 90 ka motorista ang naisyuhan bag-ohay lamang sa Motorcycle Reaction Team (MRT) sa Roads and Traffic Administration (RTA) og unattended ug traffic citation tickets tungod sa nagkadaiyang kalapasan, ilabina ang illegal parking.

 

Sumala sa RTA, ang traffic citation ticket nga dili mabayran sulod sa 72 oras didto sa city hall gikan sa pagkasikop mahimong mapasakaan og criminal complaint ang drayber basi sa Ordinance No. 10551-2007 kon ‘Traffic Code of Cagayan de Oro’.

 

Samtang ang unattended tickets kinahanglan i-settle sa buhatan sa RTA sulod gihapon sa 72 oras aron dili na kini iduso ngadto sa Land Transportation Office (LTO) nga moresulta na unya sa ‘tagging and settlement’ ayha ang renewal. (CIO/RTA foto)