NAGTAMBAYAYONG karon ang City Veterinary Office, ug ang City Agriculture Office nga matabangan ug suportahan ang mga local farmers ilabina ang Magayad Higaonon Integrated Abaca Farmers Association (MaHInAFA) sa Barangay Tignapoloan atol sa ilang panagtagbo bag-ohay lamang.

 

Ang hisgutanan nagsentro sa nag-unang programa nga gidesinyo sa pagsuporta sa mga mag-uuma lakip na ang animal dispersal ug livelihood program, ingon man usab sa livestock ug Poultry Farmers’ Field School diin ang tumong sa duha mao ang pagpalambo sa kahayupan ug malungtarong mga pamaagi sa pagpanguma.

 

Ug isip kabahin sa maong inisyatibo, duha ka sets sa Free-Range Chickens ang gi-apod-apod ngadto sa mga mag-uuma agi’g paghatag kanila og dugang tinubdan sa panginabuhian.

 

Dugang niini, naghatag usab og anti-rabies vaccination ang City Vet sa mga binuhing mananap sa mga mag-uuma.

 

Kini nga kalihokan nagpakita lamang sa hugot nga pagsuporta sa administrasyon ni Mayor Rolando `Klarex’ Uy ngadto sa mga mag-uuma pinaagi sa paghatag kanila sa resources, kahibalo, ug healthcare sa ilang kahayupan sa pagtimbayayong sa City Vet ug Agriculture Office.

 

Ang partnership sa duha ka buhatan nagpalig-on usab sa panaghiusa tali sa mga mag-uuma ug sa mga ahensya sa gobiyerno nga naningkamot alang sa malungtaron nga agrikultura ug livestock. (ALR/CIO/Photos from City Vet)