SA pagpaningkamot sa syudad ubos sa administrasyon ni Mayor Rolando `Klarex’ Uy sa padayon nga pagpakigbatok sa rabies, mokabat 10,097 ka mga binuhing iro ang nabakunahan pinaagi sa High Density Anti-Rabies Vaccination sa tulo ka mga dagkong barangays.

 

Kini mao ang Barangay Balulang nga adunay 2,828 ka mga iro nga nabakunahan. Barangay Carmen, 5,415 pets, ug Barangay Gusa, 1,854 pets.

 

Si City Veterinarian Dr. Helen Ann Tacandong sa City Veterinary Office mipadayag sa iyang dakong pasalamat kang Mayor Klarex sa pagsuporta sa maong programa.

 

Iya usab gipasalamatan ang tanang responsible pet owners nga maniguro sa himsog ug luwas ang ilang mga mananap pinaagi sa pagpabakuna sa anti-rabies.

 

Lakip sa gipasalamatan ni Dr. Tacandong ang mga barangay councils sa maong mga barangay sa ilang walay puas nga suporta hinungdan nga nagmalampuson ang nasangpit nga inisyatiba sa City Vet. (ALR/CIO/Photos from City Vet)